Drumheller - risaeðlubærinn

Risaeðla gægist upp úr trjánum 

Í suðurhluta Alberta, sérstaklega í sandsteinslögum meðfram    Red deer ánni hefur fundist mikið af steingerfðum minjum um forsögulegt dýralíf. Þar á meðal mikið af risaeðlubeinum. Bærinn Drumheller hefur markaðsett sig rækilega sem risaeðlubæinn. Þar er að finna plastrisaeðlur á hverju götuhorni sem hámarkast af stærstu risaeðlu í heimi sem skipar heiðurssess á besta stað í bænum.

Stærsta risaeðlan
á bæjartorginu

Risaeðlan þjónar einnig sem útsýnisstaður. Drumheller byggðist upphaflega upp rtysem kolanámubær. Menn unnu við kolalag í sandsteininum kringum bæinn. Nú hefur þessi vinnsla lagst af og námurnar orðnar ferðamannastaðir. Það sem helst laðar þó ferðamenn að er Royal Tyrell safnið. Þar er glæsileg sýning um þróun lífs á jörðinni, sýndir merkilegir steingerfingar sem fundist hafa í nágrenninu og þeir settir í samhengi við þróun lífsins. Svo sannarlega hægt að mæla með Drumheller sem áfangastað.